Solo Musica Siciliana

Che bedda a Terra mia quannu agghiorna
supra la sciara pari 'na Maronna
cu li capiddi ca ci chiovunu a racina
unni la tocchi sona comu 'na cianciana
ma la pulitica la riddussi a la ruvina
ma idda è sempre additta e pari 'na riggina.

Che bedda a Terra mia quannu chiovi
speriamu ca a Missina nesci u suli
e me matruzza m'assittava nto pisolu
ravanti a conca arricamava u so linzolu
e nta Girmania ni trattavunu che peri
semu i patruni no non semu i cammareri.

Leru leru leru leru la...
Muddichedda muddichedda t'aia ratu la me vita...

leru leru leru leru la... Muddichedda Muddichedda

Che bedda a Terra mia quannu canta
la po vasari picchì è terra santa
è 'n vinu anticu ca fa sangu e alligria
comu 'n tuppeturu la testa ti furria
ma rimmi comu si ni po' parrari mali
ri sti tri ghita ri pararisu ammensu o mari.

Leru leru leru leru la...

Muddichedda muddichedda t'aia ratu la me vita...

leru leru leru leru la... Muddichedda Muddichedda

Che bedda a Terra mia quannu scura
macari a genti tinta s'innamura
supra i canceddi abbrancicati i gessumini
co Signuruzzu adduma comu e lampadini
e su sta Terra la vulissumu canciari
iu sugnu prontu ca me vuci e co me cori.

Leru leru leru leru la... Muddichedda muddichedda.